Ministri i Brendshëm i Shqipërisë, Taulant Balla ka bërë të ditur se është arrestuar sot një person me rrezikshmëri të lartë në Tiranë, i cili ishte shpallur në kërkim për vrasje.

Balla theksoi se ka ende shumë person në kërkim për vrasje të vjetra, që nuk mund të harrohen nëse sipas tij, autorët nuk përballen me drejtësinë, shkruan Arbresh.info.

Tutje, Balla ka përgëzuar Forcat Operacionale e Drejtorisë së Policisë në Tiran.

“Një tjetër person me rrezikshmëri të lartë, i shpallur në kërkim për vrasje, u ndalua sot nga Forca Operacionale e Drejtorisë së Policisë Tiranë. Nuk duhet të harrojmë se kemi ende shumë persona në kërkim, ngjarje të rënda pa autor, e vrasje të vjetra që nuk mund të harrohen nëse autorët nuk përballen me drejtësinë. Përgëzime për sot”, ka shkruar Balla./Arbresh.info